Die publiek word uitgenooi om kommentaar te lewer op 'n regsvoorstel om munisipale verval te voorkom.
Voeg jou voorstelle by, of sê jou sê hieronder.
Sê jou sê – vorm die uitkoms.
Hierdie deelnameveldtog is 'n samewerkingspoging tussen DearSA en Sakeliga – ’n selfstandige nie-winsgewende sakegroep en gemeenskap wat gestig is om die besigheidsomgewing te verbeter en aan te vul deur doeltreffende beleid en wetlike ingrypings.
’n Nuwe vorm van munisipale administrasie, met onafhanklike beheer oor elektrisiteit en ander diensheffings, kan binnekort op die kaarte wees vir korrupte en mislukte munisipaliteite.
Dit wil sê as Sakeliga suksesvol is met 'n nuwe litigasiestrategie om plaaslike ekonomieë van munisipale ineenstorting te red.
In dokumente wat tans aan twee munisipaliteite in Noordwes, asook die Minister van Finansies en andere beteken word, vra sakeorganisasie Sakeliga die hof vir verreikende, nuwe ingrypings wat nog nooit op munisipale vlak toegepas is nie.
Die intervensies draai om die daarstelling van 'n sg "spesiale meester", wat beheer neem van elektrisiteits- en watergelde, benewens verpligte administrasie, en verpligte ingrypings deur die nasionale tesourie se "Munisipale Finansiële Herwinningsdiens." Die spesiale meester moet ook bewyse van korrupsie en verwante sake saamstel en aan Sakeliga, die respondente en die hof rapporteer.
“Wat nuut is aan hierdie saak, is dat dit verby tydelike oplossings beweeg. Dit poog om in die eerste plek toegang deur onbevoegde of korrupte munisipale amptenare tot water- en elektrisiteitbetalings te voorkom, wat is wat nodig is vir 'n langtermynoplossing. Vir dié doel versoek Sakeliga die hof om ’n spesiale meester – soos onafhanklike ouditeure – aan te stel om beheer oor water- en elektrisiteitsbetalings te neem. Die spesiale meester kan dan betalings direk aan Eskom en waterverskaffers maak, asook vir instandhouding van elektrisiteit en waterinfrastruktuur. Slegs 'n oorblywende gedeelte sal aan die munisipaliteit en die administrasiespan beskikbaar gestel word.
“Die doel van die hofsaak is om plaaslike ekonomieë te red deur 'n strukturele oplossing te bied. Alhoewel ons en ander organisasies gereeld suksesvol is met interdikte en ander korttermyn-intervensies, vereis blywende oplossings beheer oor die vloei van geld. Na jare se versuim op alle regeringsvlakke om in te gryp soos hulle moes, vra ons nou die hof om te beveel dat die Spesiale Meester beheer neem van die belangrikste finansiële sake – dié rakende water en elektrisiteit – tot tyd en wyl Nasionale Tesourie se finansiële herstelplan is behoorlik geïmplementeer.”
Le Roux sê Sakeliga probeer ’n situasie ontlont wat dreig om die hele land te destabiliseer. “Die mislukking op plaaslike vlak is die gevolg van 'n ineenstorting van bestuur en beheer op alle regeringsvlakke, tot by die kabinet. As ons net sou voortgaan om interdikte te bekom wat diensonderbrekings deur Eskom en waterrade verbied, dan sal Eskom en daardie waterrade finansieel in duie stort en die hele fiskus saamneem. Aan die ander kant, as ons toelaat dat elektrisiteit en water afgesny of onderbreek word, dan lui dit die einde van daardie plaaslike ekonomie in – eiendomswaardes sal tot nul daal en hele bevolkings sal na die metro's migreer, wat net die druk verskuif en destabiliseer die groter sentrums. ’n Derde manier word vereis: dienste moet gelewer word en betalings vir daardie dienste moet die regte bestemmings bereik.”
Die litigasiestrategie vorm deel van Sakeliga se groter strategie vir plaaslike ekonomiese herstel. Sentraal tot die groter strategie is 'n geaffilieerde program vir sakekamers, aangesien kamers 'n sleutelrol in plaaslike ekonomiese herstel kan speel. Die geaffilieerde program bevorder samewerking tussen kamers, verminder litigasiekoste en benut skaalvoordele vir groter doeltreffendheid. Sakeliga nooi kamers wat 'n markekonomie en 'n grondwetlike bevel ondersteun om by Sakeliga te affilieer.